Giseguro ni City Tourism Officer Marky Jalapadan nga maaktibar na sunod semana ang Incident Management Team aron mapatuman ang usa ka hapsay ug malinawong saulog sa Higalaay Festival sa dakbayan sa Cagayan de Oro!
Subay niini, gipangandaman na usab sa dakbayan ang paghiusa sa security plan, disaster plan, health emergency plan, ug traffic management plan kauban ang kapulisan ug uban pang force multipliers.
Dugang pa sa opisyal, gihimo ang tanang paningkamot aron masiguro nga mahimong hapsay, malinawon, ug malampuson ang tanang kalihokan sa lungsod.
Hisayran nga ang tema sa selebrasyon karong tuiga mao ang “Our Gift, Our Pride, Our Guide” nga nagsubay sa gipadayong tema sa pagkatawo o himogso sa siyudad.
