Gilantaw sa pundok sa mga magtutudlo nga nagasulong sa inclusive education nga dili lamang sa klasrom maapply ang inclusivity, apan kinahanglan usab kini sa mga trabahoan ug negosyo aron mahatagan og patas nga kahigayonan ang mga persons with disabilities.
Gipamatud-an ni Dr. Therese June Aranas, head sa Department of Special Education, nga adunay mga establisamento sa siyudad nga misugod na sa pagdawat sa mga deaf individuals isip mga empleyado nga napamatud-ang kugihan, industriyus, ug loyal sa ilang trabaho.
Subay niini, giawhag niya ang uban pang mga organisasyon nga magpakabana sa paghatag og higayon niining mga indibidwal aron mamahimo silang aktibong partisipante sa katilingban.
Dako kini nga lakang aron dili mabalewala ang ilang abilidad ug ang ilang dakong kontribusyon sa paglambo sa atong komunidad.
