CAGAYAN DE ORO CITY-Miduso’g sayo sa iyang sertipiko de kandidatura si incumbent Gov Jose Maria Zubiri sa Bukidnon alang sa 2019 midterm elections ning adlawa.
Kini aron subli magpapili sa laing higayon pagka-gobernador batok sa posibleng kandidato nga makig-atbang batok kaniya sa piliay sunod tuig.
Miingon si Bukidnon Provincial Election Supervisor Atty Stalin Baguio nga gawas kang Zubiri, miduso usab sa certificate of candidacy o CoC sila si Gordon Torres aron magpapili isip independent vice governor; Mario Albarece Jr; Benito Baguio nga pulos magpapili sa sangguniang panalalawigan sa 1st District ug Minerva Casinabi sa 3rd district sa susamang posisyon.
Gitutukan sa AFP ug PNP ang Bukidnon tungod kay sumala sa Comelec, dunay mga kanhi natigayon nga election related incidents sa miaging mga piliay.
