CAGAYAN DE ORO CITY, Philippines -Mas agrisibo na sa pagtubag sa pangutana sa media si Vice President ‘Inday’ Sara Duterte.
Nunot kini sa padayong pag-ipit sa iyang posisyon sa mga kaalyado ni Presidente Ferdinand Marcos Jr sa Kamarabaha ug sa Senado.
Kagahapon, human ang init nga langtugi nila Senador Risa Hontiveros, mas nahimong hait ang gibiling mensahe sa bise presidente.
Miingon si Inday Sara nga bisan mulampos sila sa paglangkat sa iyang posisyon, dili gihapon mapura ang ilang kontra sa politika kay nagpabiling dakung hulga alang kanila ang mga Duterte pag-abot sa 2028 elections.
Una niini, gi-angkon ni Duterte nga nasayud na siya sa giluto nga impeachment case batok kaniya sa kamarabaha aron ipamugos nga mga kuratok ug kriminal ang mga Duterte.
Wala tubaga ni Inday Sara ang gilabog nga pangutana kung nagbasol ba kini sa pagtabang sa mga Marcoses dihang midaug sila sa ilang gingandoy nga posisyon sa milaby’ng 2022 Presidential Elections.
