Pirma nalang ni Presidente Ferdinand Marcos Jr ang gihulatan aron ma-implementar na ang Independent Commission nga mu-imbestigar sa tanan flood control projects sa Pilipinas.
Kini ang gibutyag ni Executive Secretary Lucas Bersamin dihang iyang gikompirmar nga ang draft sa Executive Order nahuman na.
Tumong sa komisyon nga maghatag gsa lig-on ug kasaligan nga mekanismo sa pagsusi sa mga iregularidad.
Gilauman nga ang EO pagadawaton sa katawhan isip lakang alang sa transparency ug accountability.
Nagdumili si Bersamin sa paghatag sa dugang detalye kabahin sa probe body, apan iyang gipasiguro nga kini gihatagan sa seryosong pagtuon sa Palasyo.
Wala pa matino kon kinsa ang mga miyembro sa komisyon, ug ang istruktura niini padayon pa nga gihisgutan.
Una nang migula ang report nga ang komisyon magpokus sa mga kwestyonableng flood control projects, apan posible nga palapdan pa ang coverage sa ubang infrastructure nga gi-flag sa publiko.
