Naghinaot si Atty. Proculo Sarmen, former NLRC Commissioner ug political analyst, nga ang tanang mga reporma ug planong ipasa nga mga balaodnon, lakip ang Independent People’s Commission Act nga usa sa giprayoridad karon ni Presidente Ferdinand “Bongbong” Marcos Jr., seryosong ipatuman ug dili lamang taman sa istorya.Dugang pa ni Sarmen, kon kini mapatuman sa hustong paagi, mubalik ang pagsalig sa katawhan sa gobyerno, nga karon anaa sa ubos nga lebel ug nakaapekto na sa ekonomiya sa nasud. Para kaniya, ang pagpasar sa angay nga mga balaodnon nga makabalanse ug dili makadugang sa kasuko sa katawhan makatabang sa paghatag og bag-ong kompyansa sa publiko.Apan nagpahimangno usab si Sarmen nga kon ang maong mga reporma dili mahatagan og insakto nga pagdumala, posible kining sakyan sa politika. Nagtuo siya nga sa maong kahimtangan, makaresulta kini sa mas daghang rallies ug kilos-protesta gikan sa katawhan.
Written by: James Oliver
