CAGAYAN DE ORO CITY-Gikasakit sa Indian national ang giingong pagbudhi kaniya sa iyang kanhi kaipon nga Pinay sa Brgy Macabalan ning syudad.
Miingon si Singh Prabjet,hingkod ang panuigon,taga-India ug kasamtangang nagpuyo sa Davao City nga gusto unta niini estoryahon si Mary Ann Borbon kabahin sa estado sa ilang relasyon.
Apan nagdumili kining atubangon hinungdan nga gikuha na lamang niya ang celphone aron makit-an ang lalaki nga giingong bag-ong ka-relasyon niini.
Kini ang hinungdan nga gigukod siya sa mga silingan ni Borbon diin nag-resulta sa iyang pagkasikop.
Samtang nag-atubang sa kasong kreminal si Prabjet sa korte didto sa Davao City.
Kini maoy nadiskobre sa kapolisan nga nag-imbestigar kang Singh nga suspek pagkawat sa celphone sa kanhi kaipon niini diha sa Brgy Macabalan ning syudad.
Miingon si Macabalan Police Station commander Sr/Insp Sebastian Chua nga kasong robbery in violence in relation to Republic Act 9262 ang atubangon sa suspek.
