CAGAYAN DE ORO CITY – Ngilngig ang gidangatang kamatayon sa Indian national nga nagsilbing backrider sa motorsiklo sa dalan sa Brgy Agay-ay,Gingoog City,Misamis Oriental.
Kini human giingong naputol ang ulo sa maong wala na lang panganli nga biktima kay disgrasyang nalabtikan sa linya sa koryente rason sa hinanalin niyang kamatayon.
Subay sa inisyal nga imbestigasyon,giingong unang nakasangguyan sa trak de karga ang power line.
Apan igo pag-agi sa biktima nga naki-angkas lang sa motorsiklo,ayha pa milabtik ang wire padulong kaniya.
Hisayrang sa miaging semana,may Indian national usab nga namatay tungod sa aksidente samtang sakay sa L300 van gikan Caraga region pagsungag sa laing trak de karga pag-abot sa Jasaan,Misamis Oriental.
