Nabalaka si Mae P. Paner, o mas nailhan nga Juana Change ug co-organizer sa Baha sa Luneta rally, sa kahimtang sa imbestigasyon batok sa mga nalambigit sa flood control scandal sa nasud human sa kalit nga pag-resign ni ICI Commissioner Rogelio “Babes” Singson. Sumala ni Paner, base sa kasamtangang ebidensya nga anaa karon sa komisyon, lisod pa nilang makita ang tinuod nga kalambuan sa pag-uswag sa kaso. Matod niya nga ang pagbiya ni Singson nakaapekto sa momentum sa imbestigasyon ug nagbilin og daghang kakulangan sa proseso. Gipasabot ni Paner nga ang ICI karon nag-atubang og seryoso nga kakulangon sa kapasidad ug resources, hinungdan nga dili kini makapatawag sa mga importante nga testigo. Tungod niini, naglisod matod pa Ang komisyon sa pagkompleto sa klaro ug lig-on nga imbestigasyon.Gidugang ni Paner nga hangtod karon wala gihapon matawag ug mapangalanan ang mga dagkong personalidad nga gituohang nalambigit sa maong kontrobersiya, ug kini matod pa naghatag og hulagway nga walay igo nga “ngipon” ang pag-imbestiga sa maong independent investigative body.
Written by: James Oliver
