Naghan-ay na ang kagamhanang lokal kauban ang Cagayan de Oro City Police Office (COCPO) sa mga ipatuman nga security plans alang sa usa ka bulan nga saulog sa kapistahan sa patron sa dakbayan karong Agosto 28.
Sa pakighinabi sa Bombo Radyo kang COCPO Spokesperson PCpt. Emelita Simon, gipasalig niini nga duna silay managlahing individual security plans nga gipahiangay alang sa matag core, major, special, ug minor events sa Higalaay Festival.
Labot pa niini, gitin-aw sa opisyal nga na-activate na ug andam na alang sa hingpit nga pagpatuman ang pipila sa mga gihan-ay nga probisyon sa seguridad.
Hinuon, padayon pa gihapon ang ilang gihimong mga tigum ug koordinasyon sa uban pang mga organizers aron masiguro ang hapsay ug luwas nga pagsaulog sa tibuok dakbayan.
