CAGAYAN DE ORO CITY –Gikompirmar sa Police Regional Office o PRO-10 ang paghidangat sa top govt officials gikan sa kauluhan alang sa Industrial Summit 2019 diha sa Tagoloan,Misamis Oriental.
Kabahin sa gilauman nga modalikyat sa maong kalihukan mismo si Pres Rodrigo Duterte sa summit nga himoon sa Phividec Industrial Authority sa maong lungsod ugmang adlawa.
Apan nagdumili una si PRO-10 spokesperson Lt Col Mardi Hortillosa sa pagtug-an kon unsa nga adlaw hayan moabot si Duterte sa kalihukan.
Gimando usab ni PRO-10 Dir Brig Gen Rolando Anduyan ang hugot nga seguridad ilabina sa syudad diin magpondo ang mga delegado gikan sa Nob 25 hangtod 28.
