CAGAYAN DE ORO CITY – Labing unang higayon, napakayab sa Philippine Army ang bandila sa Pilipinas sa Sitio Kamansi Brgy Banglay, sa Lagonglong, Misamis Oriental.
Kini ang gibutyag ni 58IB Commading officer Lt Col Ricky Canatoy sa Bombo Radyo.
Namahayag si Canatoy nga sa taas nga higayon, halos walay residente sa maong dapit nga muduol sa kasundaluan.
Apan kining tanan nabag-o niadtong giselebrar sa Armed Forces of the Philippines ang ilang ika 123rd nga anibersaryo kundiin, gipili sa 4ID ang maong sitio nga didto ipakayab ang nasudnong bandila.
Nakita sa kasundaluan nga nawala na ang kahadlok sa mga molopyo sa maong dapit ug mas napadali ang ilang pagtunol sa mga batakang serbisyo nga gikinahanglan sa maong barangay.
