Misaka pa ang inflation rate sa Pilipinas ngadto sa 1.5 porsyento niadtong Agosto 2025, gikan sa 0.9 porsyento sa Hulyo. Subay kini sa lab-as nga data nga gipagawas sa Philippine Statistics Authority (PSA).
Gibutyag ni Dr. Claire Dennis Mapa, National Statistician ug hepe sa PSA nga ang pagsaka sa presyo sa palaliton ug serbisyo nahitabo tungod sa pag-usbaw sa gasto sa pagkaon, ilabi na sa utanon ug isda.
Mahinumduman nga sa milabay’ng bulan, gilampurnas ang Luzon area sa mga bagyo, ug kini maoy gitumbok nga usa sa pinakadakong hinungdan sa pagminus sa supply samtang nagsaka ang demand sa mga batakang palaliton.
Sa pikas bahin ang Food and Non-Alcoholic Beverages maoy pinakadakong kontribyutor sa inflation, nga adunay 69.3% share sa kinatibuk-ang pagsaka sa presyo.
Bisan pa sa pagsaka, nagpabilin gihapon nga ubos sa target range sa gobyerno sa 2% hangtod 4% ang inflation rate. Gipamugos sa ahensya nga kontrolado pa ang kahimtang sa ekonomiya sa nasud
