MANILA – Nagsaka ang inflation rate sa 4.4 percent sa nasud sa miaging Hulyo ning tuiga.
Gitudlo ni Philippine Statistics Association o PSA chief Dennis Mapa nga rason niini ang hinay nga pagkanaug sa bayrunon sa koryente ingon man ang pagsaka usab sa presyo sa produktong petrolyo.
Lakip usab sa nagpaspas sa pagsaka sa presyo sa palaliton ug ubang mga serbisyo ang pag-umento sa balor sa mga produktong agrikultura.
Namahayag usab kini nga wala pa’y labot niini ang kadaot nga gibilin sa bagyong Carina diin dakong bahin sa Luzon ang apektado partikular sa National Capital Region.
