CAGAYAN DE ORO CITY, Philippines – Natagamtam sa Northern Mindanao ang grabing paghinay sa inflation rate sa Disyembre 2024 sa 2.6% gikan sa 4.8 porsyento sa susamang bulan sa tuig 2023.
Gibutyag ni Philippine Statistics Authority (PSA) 10 Regional Director Janith Aves, nga nagpakita sa kalig-on sa presyo ang milabay’ng tuig, tungod kay ang inflation sa Northern Mindanao anaa lamang sa 3.7%.
Si Aves miingon nga ilang namatikdan ang paghinay sa presyo sa halos kada tuig sa Region X.
Sa laing bahin, gipasigarbo ni National Economic and Development Authority 10 Director Mylah Faye Aurora Cariño nga ang rehiyon, nakasulod sa ika-9 nga ihap sa mga lugar sa Pilipinas nga dunay paspas nga pag-uswag sa ekonomiya, ug ikaduha sa tibook Mindanao alang sa 2023.
