Misaka sa 2.4% ang inflation rate sa nasud niadtong Pebrero 2026, base kini sa ulat sa Philippine Statistics Authority (PSA). Kini ang labing paspas nga pagsaka sulod sa 13-ka bulan, mas taas intandi sa 2.0% niadtong Enero ug 2.1% sa Pebrero 2025.
Matod sa PSA, dala kini sa mas paspas nga pagsaka sa presyo sa pagkaon ug non‑alcoholic beverages nga adunay 29.5% nga bahin sa kinatibuk‑an nga inflation, diin misaka usab ang presyo sa housing ug utilities, restaurants ug accommodation services, recreation, sport, culture, ug health.
Gipahibalo usab ni National Statistician Claire Dennis Mapa nga posibleng mosaka pag-usab ang transport inflation sa Marso tungod sa tensyon sa Middle East nga nakaapekto sa global oil markets. (Phillip Ariata)
