Misaka ang inflation rate sa Pilipinas sa 1.7% sa Setyembre, ning tuiga.
Mas taas kini itandi sa 1.5% sa Agosto.
Ang kalit nga pagsaka sa presyo sa utanon, sama sa repolyo, kalabasa, sili ug uban pa ang pipila sa hinungdan sa pagsaka sa inflation sa nasud.
Namahayag ang Philippine Statistics Authority (PSA) nga apektado “spending power” sa mga konsumante sa limitado nga mga pagkaon sa usa ka lugar, tungod sa pag-igo sa managlahing kalamidad sa probinsya.
Usa sa pananglitan niini ang gamay nga supply sa produkto ug pagsaka sa demand sa nagmahal nga gulay.
Dugtong niini, ang padayong pagsaka sa presyo sa lana maoy nakitang timailhan sa pinakapaspas nga umento sa balayrunon sa mga konsumante.
Gibanabana sa PSA nga magpabiling taas ang inflation sa umaabot nga mga buwan tungod sa pag-igo sa mga kalamidad.
Gawas sa pagkaon, misaka usab ang presyo sa lana, kuryente, tubig, karne sa baboy ug isda.
