Gitubag ug gihagit sa convenor sa Hakbang ng Maisug nga si Atty. Vic Rodriguez ang gipadayag nga mga saad ni Pangulong Ferdinand Marcos Jr. sa iyang State of the Nation Address diin matud pa dili na kini katuohan tungod sa kadaghan sa mga giluwatan nga probisyon nga hangtod karon wala gihapon natuman.
Gitudlo sa maong abogado nga sukad sa mga SONA sa pangulo niadtong tuig 2022 ug 2024, bisan ang gisaad nga railway renaissance o pagpalambo sa mga tren kay pabilin nga napakyas partikular na ang unang awok sa Metro Manila Subway program tungod sa pagtangtang sa pondo niini.
Samtang karong tuiga 2026, giklaro ni Rodriguez nga aduna na lamang nahabilin nga 22 ka bulan ang pamunoan sa presidente apan giprioridad pa niini ang pagbalhin sa nasudnong pondo sa mga ghost flood control ug substandard mitigation projects imbes nga sulbaron ang krisis sa pamilyang Pilipino.
Sugat niini, gipadayag sa opisyal nga imbes nga tutokan ang pagtaas sa presyo sa mga baligya, inflation, ug korapsyon, ang kapakanan sa pamilya sa presidente ug ang pipila ka mga oligarko lamang ang mas ginahatagan og pagtagad niini.
