CAGAYAN DE ORO CITY – Pagtuki nga dunay epektibong solusyon sa isyu sa taas nga inflation ang gustong madunggan ni Cagayan de Oro 2nd District Cong. Rufus Rodriguez atol sa 3rd State of the Nation Address o SONA ni Pres Bongbong Marcos sa adlaw’ng Lunes sa hapon.
Kini tungod sa padayong hagit sa administrasyon kon unsaon nga mapabarato ang mga presyo sa mga batakang palaliton ilabina sa pag-abot sa isyu sa bugas.
Namahayag si Rodriguez nga gusto usab mabati niini gikan ni Marcos ang kongkreto nga plano ug mga lakang kabahin sa pagsulbad sa tensyon tali Pilipinas ug China sa West Philippine Sea issue.
Lauman usab sa kongresista madunggan nga ipalig-on pa sa presidente ang infra programs nga dako’g tabang sa paspas nga paglihok sa ekonomiya sa nasud.
