Giklaro ni Acting City Information Officer Jade Adeser nga bakak ug gi-edit lamang sa wala mailhing mga tawo ang nanggawas nga infographics bahin sa giingong duha ka adlaw nga suspension sa klase sa dakbayan.
Gipadayag sa opisyal nga wala pa’y bag-ong deklarasyon si Mayor Klarex Uy samtang nagpadayon pa ang tigom kauban ang Local Health Board, Local School Board, ug DepEd aron tun-an ang sakto nga solusyon batok sa grabeng kainit.
Aron mas paspas ang aksyon, gidugang ni Adeser nga dako ang posibilidad nga ihatag na lamang sa mayor ang katungod sa mga school head nga sila na ang magdesisyon sa pagpahunong sa face-to-face classes.
Gihimo kini nga lakang aron masusi sa matag tunghaan ang ilang kaugalingong kahimtang labi na karon nga miabot na sa 42 degrees Celsius ang natala nga heat index sa dakbayan.
