CAGAYAN DE ORO CITY -Dili motugot ang dakong ihap sa katawhan kuyog ang simbahang Katoliko sa tukuron nga multi-million oil depot duol sa lapyahan sa kadagatang sakop sa Initiao-Libertad area sa Misamis Oriental.
Miingon si Initiao Beach Association spokesperson Amir Roa nga dugay nang panahon namapatud-an nga makahatag sa kadaot ang epekto sa operasyon kon dunay oil depots nga magbarog sa kadagatan.
Kini ang rason nga dili lang sila nga mga nag-negosyo’g beach resorts apan kuyog ang mga opisyal sa lungsod ug simbahan ang kusganong supak niini.
Hisayrang protektado sa balaod ang dakong bahin sa kalasangan ug kadagatan nga sulod sa hurisdiksyon sa lungsod sa Initao ug Libertad ning lalawigan.
