CAGAYAN DE ORO CITY – Gi-awhag sa Criminal Investigation and Detection Group (CIDG-10) ang tanan kanhi inmates nga nabuhian sa Davao Penal Colony, tungod sa Good Conduct Time Allowance Law, nga mutahan sa labing duol nga police station sa Norther Mindanao.
Kagahapong adlawa, gikustodiya na sa CIDG-10 ang ex-convict nga nabuhian pinaagi sa GCTA law.
Namahayag si Police Lt. Col. Surki Serenias, hepe sa Valencia City Police Station nga personal nga mitahan sa ilang buhatan ang si Larry Sawayan, 49 anyos, ulitawo ug residente sa P-10 Puerta, Brgy. Lurogan, Valencia City, Bukidnon,kuyog ni Brgy Lurogan Kag Nino Taboclaon.
Si Sawayan, gihukma’g guilty sa Regional Trial Court Branch 9 ug 10 sa kasong RAPE ug ARSON didto sa Malaybalay City, Bukidnon.
Nakombikto ang exconvict sa iyang duha ka kaso niadtong Marso 22, 1991 ug na-priso sa Davao Penal Colony, sa Davao City.
