CAGAYAN DE ORO CITY -Detinado sa kustodiya sa kapolisan ang driver sa sakyanan nga Innova nunot sa dugu-ong aksidente nga mi-resulta sa kamatayon sa usa ka pasahero ug miangol sa ubay-ubay pa nga indibidwal sa Purok 1,Brgy Daan Lungsod,Gingoog City,Misamis Oriental.
Giila ni Gingoog City Police Station deputy commander Police Maj Joel Salo ang namatay nga si Alfredo Reaga,53 anyos nga nagpuyo sa Calbiga, Western Samar.
Samtang samaron usab ang ang mga kauban ni Reaga nga sila Melchor Sablawon,Jhonerick Rado ug Melchor Villas nunot sa aksidente.
Siya miingon nga kalit nangawat sa dalan ang Innova nga gimaneho ni Demetrio Sablawon hinungdang nasungag niini ang wigo nga gidrayban usab ni Jaypril Mahinay nga residente sa Upper Carmen ning syudad.
Tungod sa impact,dead on arrival sa ospital si Reaga samtang na-coma si Villas ug nabalian usab sa tiil si Melchor Sablawon.
Gihikay na sa kapolisan ang kasong reckless imprudence resulting into homicide,multiple physical injuries ug damage to property batok sa grupo ni Demetrio kon walay makab-ot nga kasabutan ning semanaha.
