CAGAYAN DE ORO CITY, Philippines – Masaligon si Presidente Ferdinand Marcos Jr., nga makab-ot sa tibook Pilipinas ang ‘insurgency free status’ pinaagi sa nagpadayong pagpanigkamot sa tanan hingtundang ahensya nga gitahasan alang sa pagpatuman sa kahusay ug kalinaw sa nasud.
Gihimo sa presidente ang pamahayag dihang mitambong kini sa Tangub City, sa pagsaksi sa deklarasyon sa Sangguniang Panlalawigan sa Misamis Occidental nga gawasnon na sa tanan lebel sa insurhensiya ang probinsya.
Giila sa presidente ang dili ti-aw nga pagpaningkamot sa SP MisOcc, ug Philippine Army, human nila nadismatol ang katapusang guirella front nga naglihok sa ilang lugar.
Anaa sa 46 sa 51 ka mga proyekto ang napatuman sa gobyerno pinaagi sa Barangay Development Programs gikan sa tuig 2021 – 2023, aron mahatagan sa desente nga kinabuhi ang mga rebelde nga namalik sa sabakan sa gobyerno, kundiin kasagaran kanila mga mag-uuma, miyembro sa lumad ug mga walay trabaho gikan sa syudad ug misaka sa kabukiran kay gihaylo sa mga miyembro sa NPA.
Niadtong Disyembre 2023, gi-anunsyo sa Armed Forces of the Philippines ang ilang malampusong paglimyo sa probinsya human napatahan niini ang gatus ka mga rebelde gikan sa New Peoples Army Guerrilla Front Sendong.
Hisayran nga miabot pa sa kapin 50 ka tuig ang pakigbisog o armed struggle sa Misamis Occidental tungod sa pag-asadang mga armadong pundok sama sa NPA ug mga gagmay’ng mga paksiyon ubos sa Militia ng Bayan.
