Nagpadumdum ang Integral Ecology Coordinator sa Archdiocese of Cagayan de Oro nga si Donna Echalico ang mga molopyo sa syudad nga aduna pay daghang mahimo ang katawhan aron mapanalipdan ang dakbayan batok sa mga umaabot nga bagyo ug kalamidad.
Gibutyag ni Echalico nga ang pagpanalipod sa mga kalasangan ug kabukiran maoy yawe aron malikayan ang grabe nga epekto sa pagbaha ug paglunop sa ubos nga bahin sa syudad.
Gikondenar ni Echalico ang mga tawo nga nagpahimulos sa kabukiran pinaagi sa pagtukod sa mga karsada ug subdivision alang sa kwarta nga makapahamtang sa peligro sa kadaghanan.
Gipamugos sa Ecology Coordination sa Arkidayosis nga kinahanglan ang tawo ang mag-adjust sa sitwasyon ug dili ang kinaiyahan, kay ang simpling pagdagmal sa kinaiyahan, kanunay muresulta sa pagkausik sa kinabuhi ug kabtangan.
