CAGAYAN DE ORO CITY – Gipaniguro sa Police Regional Office 10 ang paghatag sa hugot nga seguridad sa mga kandidatong nasyonal ug mga lokal nga mohimo’g pagpangampanya sa nagkadaiyang bahin sa Northern Mindanao.
Gihimo ni PRO 10 regional director Brig Gen Jaysen De Guzman ang pasalig aron dili usab mahitabo dinhi sa rehiyon ang nahitabong pagpusil sa usa ka bise-mayor sa Maguindanao del Sur samtang kini nagdiskurso atubangan sa iyang political supporters ning semanaha.
Gitahas ni De Guzman ang gipalig-on nga pro-active at intelligence driven security measures aron kapugngan ang pagsulod sa notorious criminal gangs kay mosabwag sa kagubot dinhi sa rehiyon.
Kabahin sa mga lakang nga gipatuman sa kapolisan ang gun ban implementation diin sukad sa pag-epekto niiini,anaa sa 46 ka tawo ang nadakpan nga naglakip sa duha ka pulis,tag-usa ka sundalo ug taga-Bureau of Customs.
