CAGAYAN DE ORO CITY – Sugdan na sa Police Regional Office 10 ang intensified police visibility sa nagkadaiyang mga simbahang Katolika epektibo karong gabii.
Nunot kini sa pagsugod na sa anticipated mass unyang gabii ug misa de gallo ugma sa kadlawon isip kabahin sa adviento o pagpaabot sa sumad sa pagkatawo ni Kristo o pasko.
Miingon si PRO 10 spokesperson Major Joann Navarro nga aduna na’y igong mga koordinasyon ang lower unit commanders sa pagsiguro nga mahatagan sa igong seguridad ang manimbahay sulod sa siyam ka gabii o kadlawon.
Partikular nga hataga’g pagbantay ang San Agustin Cathedral diin dagsa ang mga deboto sa misa de gallo.
