CAGAYAN DE ORO CITY – Ipahigayon ning adlawa sa syudad ang usa ka inter-agency meeting may kalabutan sa pagpabalik sa tone-toneladang basura sa South Korea nga gipasulod sa Tagoloan,Misamis Oriental.
Miingon si Mindanao Container Terminal o MCT port collector John Simon nga closedoor ang ilang himoon nga meeting kauban ang mga hingtungdan ahensiya.
Gibutyag ni Simon nga tumong sa maong meeting ang pagplano sa mga himoon nga pag transport sa mga basura.Una nang gibutyag sa opisyal nga ang Maersk Shipping Lines maoy kargahan sa mga basura.
Samtang gilaay na sa pagpaabot ang Ecowaste Coalition kon kanus-a makuha sa hingpit ang mga basura sa South Korea nga anaa sa Brgy Sta. Cruz Tagoloan, Misamis Oriental.
Kini human miabot kapi’g tuig ang mga basura apan wala pa gihapon kini kuhaa.
Miingon si Ecowaste Coalition National Coordinator Aileen Lucero nga dili sila gustong may mosunod pa nga mga insidente nga mamugna ang maong mga basura sama na lamang sa pagkasunog sa milabay’ng bulan.
Nabalaka usab si Lucero nga makahatag pa kinig grabeng kadaut sa katawhan nga anaa nagpuyo sa palibot.
