CAGAYAN DE ORO CITY-Gipangandoy sa inter-faith group nga milambigit sa walk for peace nga makab-ot na sa labing dali nga panahon ang hingpit nga pagbangon sa naguba nga Marawi City.
Kini ang sentro sa mga pag-ampo ug pangaliya sa mga partisipante sa kalihukan diin nagbaktas sila gikan sa Rotunda padulong sa capitol grounds sa syudad kaganihang buntag.
Miingon si Msgr Rey Monsanto, consultor sa Archdiocese of Cagayan de Oro nga gikasakit nila ang nahitabo sa Marawi City diin daghang kinabuhi sa mga sibilyan ang nakalas.
Kabahin sa mga mitambong sa walk for peace ang mga pari, Muslim community; mga lumad, militar, kapolisan, mga tinun-an ug mga parokyanon dinhi sa rehiyon.
