(Update) CAGAYAN DE ORO CITY – Walay himoon nga pagbakante sa kasamtangang mga gihuptang katungdanan ang interim board of directors ug Cagayan de Oro Water District o COWD mngt sulod ning bulana.
Kini bisan kon mihupas na ang lugway sa ilang mga tahas pagdumala sa COWD gikan sa Local Water Utilities Administration o LWUA sa kauluhan.
Kini human nahuptan ni interim COWD General Manager Fermin Jarales ang kamanduan sa LWUA official nga kutob pa sila sa Agosto ning tuiga.
Miingon si Jarales nga sulod sa dugang unom ka bulan nila nga pagpadagan sa ahensiya,bugtong sugo sa Malakanyang pinaagi sa LWUA lamang ang ilang sundon ug dili ang dikta sa presyur gikan sa regular COWD board of directors nga padayong mi-kuwestiyon sa ilang presensya dakbayan.
Samtang wala ilha sa regular COWD board of directors ang gipakita ni Jarales nga kopya sa LWUA order nga sila extended sa katungdanan sulod sa unom ka bulan ning tuiga.
Kini human pirmado lang sa LWUA corporate secretary ug sa social media gimantala apan wala sila padal-i sa opisyal nga kopya.
Miingon si regular COWD board of director Dr. Gerry Caño nga dili kini igo nga basehan aron mosanong sila sa kagustuhan sa LWUA nga hilabtan ang internal affairs sa panubig sa dakbayan.
Siya miingon nga subli nila e-kuwestiyon ang legalidad sa interim mngt sa korte.
Hisayrang gidalikyatan sa regular BODs sa COWD si Jarales sa iyang opisina kay gipangita ang kopya sa maong LWUA order kagahapong adlawa.
