CAGAYAN DE ORO CITY – Mi-apelar sa panaghiusa si interim COWD General Manager Fermin Jarales tali sa city govt ug mga partido nga apil sa isyu sa panubig sa syudad.
Miingon si Jarales nga wala sila mosulod sa COWD aron pun-an ang mga suliran apan mihan-ay sa mga sulbad alang sa ikaayo sa katawhan sa dakbayan.
Gibutyag sa opisyal nga samtang anaa pa sa atensyon ni Pres Bongbong Marcos ng dakbayan,angayang paspasan usab nila ang pagpangitag pondo aron hingpit matubang ang dakong lugi sa COWD ug kini makabayad na sa ubang mga obligasyon.
Kasamtangang nag-atubang sa halos 50 porsiento nga non revenue water ang COWD rason nga hinay ang kinitaan ug minus ang maayo nga serbisyo sa katawhan.
Namahayag si Jarales nga unang nagkinahanglan sa binilyong pondo ang rehabilitasyon sa COWD aron makabalik kini sa normal nga kahimtang sukad nahimugso sa dekada 70.
