CAGAYAN DE ORO CITY, Philippines – Nagdumili si British-Israeli lawyer Nicholas Kaufman sa pagbutyag kung kinsa ang mulangkob sa defense team ni kanhi Presidente Rodrigo Duterte, alang sa pagdungog sa iyang kaso sa Setyembre, ning tuiga, sa International Criminal Court (ICC), didto sa The Hague, Netherlands.
Gihimo ni Atty Kaufman ang pamahayag human gipugos kini sa pipila ka local news Media sa Pilipinas nga masuta kung kinsang mga prominente ug banggiitang abogado ang mukumpleto sa depensa ni Duterte.
Gitin-aw usab sa international lawyer nga dili siya mahimong mupahungaw sa impormasyon kung wala kini clearance gikan sa anak ni Duterte nga si Vice President Sara Duterte.
Mahinumduman nga sa miaging adlaw, milanding sa hospital ang lead counsel ni Duterte nga si Atty Salvador Medialdea human maigo sa hypothermia o paggahi sa tibook lawas tungod sa tumang pagkatugnaw.
Una nang gitin-aw ni Kuafman nga ilegal ang pagbalhog kang Duterte sa ICC, busa bug-at ang ilang argumento nga ipapauli kini balik sa Pilipinas.
