Mipadayag sa ilang kabalaka ang International League of Peoples Struggle (ILPS) Philippines sa posibleng paghatag og extraterritorial jurisdiction ngadto sa mga Amerikano pinaagi sa Pax Silica.
Subay sa pamahayag ni Arnold Padilla tigpamaba sa maong grupo, kini nga lakang sa ilawom sa administrasyong Marcos Jr. nagpakita sa hilabihang pagka-subservient sa gobyerno sa interes sa Estados Unidos.
Gitin-aw ni Padilla nga ang pagtukod og mga military base ug missile system, inubanan sa security economic zone para sa industrial ug war production, nagpameligro sa soberanya ug kalinaw sa nasud.
Dili matud pa kini alang sa national interest sa mga Pilipino, kondili nagsilbi lamang kini sa panginahanglan sa mga langyaw.
Busa, gikahadlokan sa grupo nga ang maong mga proyekto naghimo sa nasud nga andam alang sa giyera sa Amerika.
