CAGAYAN DE ORO CITY-Gibulgar sa negosyante nga si Geo Paulo Burdeous kon giunsa sila paghaylo sa Freeman Traders Club o FTC makabubo lamang sa dakong kantidad sa maong negosyo.
Kini human personal nga mitambong si Burdeous ug Gemark Almacen nga gikan sa Butuan City sa committee hearing sa konseho sa syudad kabahin sa online encrypted currency investment ni Mark Freeman kagahapong adlawa.
Miingon si Burdeous nga anaa sa 6.9 milyon pesos ang gusto nila makuha’g balik hinungdan mipasaka kini’g kasong estafa kang Freeman sa Security and Exchange Commisison o SEC-10.
Gigamit ni Freeman ang auto trade scheme dihang nakig-transaction sa grupo ni Burdeous sukad pa tuig 2017.
