CAGAYAN DE ORO CITY – Midangop sa Bombo Radyo ang pipila ka miembro sa sa JOCAL688 Beauty and Wellness Products Trading Incorporated aron magpatabang nga mauli ang ilang mga salapi.
Kini human unang gipasalig sa maong kompanya nga makadawat sila sa matag-bulan sa tubo o interest gikan sa nabubo nga puhunan haom sa programa nga ilang gisudlan.
Gibutyag sa ginang nga nagsilbing investor no.1 sa Bombo Radyo nga tuyo nila nga kuhaon ang 200-mil pesos nga puhunan aron mabalik na lamang sa ilang giatungan niini.
Dismayado sila kay kanunay lamang sila saaran nga mahatag ang tubo sa ilang kuwarta apan pabiling wala kini matuman.
Samtang mohunong na ang usa ka amahan sa pagsakop kon mauli lamang ang sin-miel pesos nga na-invest ngadto sa sa JOCAL688 Beauty and Wellness Products Trading Incorporated diha sa Brgy Macasandig ning syudad.
Gibutyag sa investor no.2 nga makausa ra siya makadawat sa gisaad sa kompanya ug wala na kini masundi pa.
Gani,nabati na niya ang presyur kay kanunay na lamang masuko ang iyang anak nga maoy tag-iya sa salapi nga nagamit sa transkasyon.
Dugtong niini,gibutyag usab ni investor no.3 nga ralihan nila ang kompanya aron mauli ang ilang nahatag nga salapi.
Gani,may pipila na sa mga miembro nga nangayo’g tabang sa NBI-10 batok sa JOCAL688.
