CAGAYAN DE ORO CITY – Wala matulog ang imbestigasyon sa dakung krimen nga gikalambigitan sa KABUS PADATUON Community Ministry International Inc., kon KAPA dinhi sa Northern Mindanao.
Gibutyag ni NBI-10 Director Pipo Bernales nga may pipila ka investors sa KAPA ang miduol sa ilang buhatan aron mangayo’g legal advise sa NBI.
Gitin-aw ni Bernales nga dili nila mapugos ang mga investors nga mupasaka’g kaso, apan masaligon sila nga oras na lang ang ilang gihulat aron pormal nga isang-at sa mga biktima sa KAPA ang ilang reklamo sa korte.
Subli, mi-abiso sa publiko nga likayan ang pag-invest sa mga kadudahang investment scheme.
