Nawad-an na ug pagsalig ang IP Rights Defender nga si Wilson C. Amad sa administrasyon ni Pres. Ferdiand Marcos Jr.
Sa iyang interbyu sa Bombo Radyo gilaraw sa IP defender nga bisan aduna nay mga napapriso nga mga “big fish” sa flood control scandal sa nasud, dako matod pang pangutana kung nganong sa ka daghan sa kaso ug mga alegasyon batok sa presidente wala man lang kini ma imbestigahan ug na aquit pa gale.
Dugtong niini, gibutyag usab ni Amad nga bisan ang ig-agaw sa pamuno sa nasod nga si former house speaker Romualdez kay nagpabilin gihapong walay klarong lakang taliwala sa maong mga anomalya.
Busa iyang giawhag ang tibuok katilingban nga maghiusa sa pagbarog aron papanubagon ang maong mga lider sa ilang mga atraso, partikular na sa isyu sa korapsyon ug mga paglapas sa tawhanong katungod.
