Nagpabilin ang kalisod sa pagpatuman sa IPRA Law bisan pa sa tumong niini nga maprotektahan ang kultura ug katungod sa mga lumad, tungod sa padayon nga pagbalhin sa responsibilidad sa IP representation ngadto sa mga LGU.
Gibutyag ni Atty. Abbie “Bagani” Saway Llesis sa IPMR-Bukidnon, daghan gihapon ang modernong lider nga kulang sa pagsabot sa maong balaod.
Mi-apelar ang abogado nga magpatawag sa seryosong diyalogo ang NCIP uban sa mga lokal nga lider aron mas masabtan ug matagad ang IPRA ug ang mga katungod sa lumad.
Gihulagway niya nga ang mga lumad nga maoy kalag sa nasud, ug usa ka kapakyasan kung dili sila respetohon ug daygon isip tinuod nga bahandi sa kasaysayan ug kultura sa Pilipinas.
