CAGAYAN DE ORO CITY, Philippines – Gihupay sa Israel Defense Force ang nagsaka nga kabalaka sa mga molopyo sa Kibbuts ug sa tanan utlanang bahin sa ilang nasud tungod sa hulga nga “all out war” gikan sa gobyerno sa Iran.
Miingon si IDF spokesperson Rear Admiral Daniel Hagari nga mulihok ang ilang tropa segun sa mando sa ilang gobyerno.
Miingon si Hagari nga dugay nang nangandam ang ilang tropa sa walay hunong nga hulga ni Iranian Supreme Leader Ali Khamenei.
Kagahapon, samtang mihimog pakigpulong ang mga kadagkuan sa Egypt, Jordan, Qatar, Amerika ug representante sa Hamas, sulbi gipalanog ni Khamenei nga obligasyon sa ilang nasud nga mubalos sa pagpatay sa IDF kang Hamas Political Leader Ismail Haniyeh sa Tehran.
Si Haniyeh natawo nga Palestino ug dugay nang nakigbisog gamit ang idolohiya sa Hamas.
