Gipaabot sa Pakistan karong Biyernes sa gabii ang delegasyon sa Iran nga gipangulohan ni Foreign Minister Seyed Abbas Araghchi aron palig-onon ang paningkamot sa pagpahupay sa tensyon tali sa U.S. ug Iran.
Gilauman nga masundan kini sa ikaduhang hugna sa peace talks sa Islamabad, diin anaa na ang U.S. logistics ug security teams aron motabang sa proseso.
Ang lokal nga media miingon nga moabot usab ang U.S. delegation sa Sabado, apan gi-deny kini sa Inter-Services Public Relations (ISPR) nga wala pa’y klarong iskedyul.
Una niini, si Pakistani Deputy Prime Minister ug Foreign Minister Mohammad Ishaq Dar naghinabiay sa telepono kang Araghchi ug nagpasabot sa kahinungdanon sa padayon nga diyalogo alang sa kalinaw sa rehiyon.
Ang interior ministry nagpasalig nga adunay foolproof security alang sa mga bisitang delegasyon.
Mahinumduman nga niadtong Abril 11, gipangulohan sa Pakistan ang unang hugna sa negosasyon sa U.S. ug Iran sa Islamabad apan wala kini nakahatag sa dakong kasabutan.
