Gikondinar sa Iran ang pagkostodiya sa US Navy sa usa ka Iranian Oil tanker nga pagawas sa Strait of Hormuz.
Namahayag si Foreign Minister Spokesperson Esmaeil Baghaei nga tataw nga pagpangawat ang gihimo sa Amerika batok sa ilang tanker.
Ilang gi-akusahan ang Washington nga naguba sa internasyonal nga balaod ug seguridad sa dagat.
Gikompirmar ni U.S. Attorney Jeanine Pirro, sa District of Columbia ang nagkumpirmar nga ang pwersa sa kasundaluan ang misakmit sa duha ka barko nga nagdala sa dul-an 1.9-Milyon bariles sa lana gikan sa Iran.
Gipamugos ni Pirro nga legal ang gihimong aksyon sa Amerika nga pugngan ang duha ka barko kay may sanction nga gipatuman sa Iran, kay sila ra ang nakapahimulos sa pagpagawas sa lana samtang ang ubang nasud, nagkalisud sa pagkuhag lana human nila gi-alihan ang kipot.
Hisayran nga misampot sa tensyon ang hitabo human walay nahitabong ikaduhang peace talks tali sa US ug Iran sa Pakistan niadtong Dominggo Abril 26, oras dinhi sa Pilipinas, ug mismo si US President Donald Trump ang miingon nga wala nag kapasidad aron maghulga-hulga pa ang Iran
