CAGAYAN DE ORO CITY, Philippines – Gi-angkon sa kadagkuan sa Islamic Resistance in Iraq, usa ka Shiite militia group, ang pag-atake sa tolo ka syudad sa Israel sa milabay’ng adlaw.
Pinaagi sa gilugwa nga online statement, gipamugos sa grupo nga sila ang nagmani-obra sa mga drones aron atakehon ang northern ug southern Israel.
Lakip sa ilang gipalupad ang “al-Arqab upgraded cruise missiles”, sayo sa buntag ug gisundan kini sa laing duha ka mga pagpangatake sa Haifa, northern Israel, ug laing drone attacks sa southern Israel sa pagkagabie.
Wala pa mipalugwa sa pamahayag ang gobyerno sa Israel sa rebelasyon nga gi-angkon sa Iraqi Rebels, nga gikamatay sa duha ka IDF Soldiers ug kapin dosena ang samaran.
Hisayran nga gawas sa Hamas sa Gaza, Hezbollah sa Lebanon, Houti Rebels sa Yeman, ug ang Iranian Forces, ang Shiites militia mao ang labing bag-ong kaatbang sa gobyerno ni Israel Prime Minister Benjamin Netanyahu.
