Gisaway sa kapunungang World Beyond War ang proyektong Pax Silica nga pwedeng magdala og dako nga krisis sa tubig sa Central Luzon tungod sa gipangayong 130 million ka litrong tubig matag adlaw.
Nanawagan si Asia Coordinator Jhay De Jesus nga unahon ang tubig-mainom ug irigasyon sa mga mag-uuma kaysa ibubo kini sa cooling system sa mga dayong pasilidad.
Gipadayag sa grupo nga moabot sa 1,600 ka hektarya nga yuta ang ipaarkila sulod sa 99 ka tuig taliwala sa baratong bayad sa yuta nga nagkantidad lang og P30 kada square foot.
Tungod sa maong sitwasyon, gikabalak-an ang pagkaalanganin sa panginabuhian sa mga mag-uuma ug katutubo. Nanawagan ang grupo sa gobyerno nga susiho’g maayo ug unahon ang seguridad sa pagkaon kaysa mohatag og pabor sa mga dayong negosyante.
