Wala pa gihapo’y mantsa ang boxing record ni Japanese boxing champion Naoya Inoue.
Kini human lukapa ang gidangatan sa iyang challenger nga si Irish boxer TJ Doheny sa ilang away sa Japan kagabii.
Sama sa gilauman,sayon lang gipukan ni Naoya si TJ ug kutob lang kini sa round 7 sa ilang away.
Sa mga sayon nga rounds,nakahimo usab sa mga solido nga igo si TJ apan mas mitigbabaw ang kalig-on sa boksingerong Hapon alang sa ilang undisputed super bantamweight match.
Hinoon,daan nang gidahom sa mga analyst nga mahisama si Doheney sa gidangatan ni Luis Nery sa mga kamot ni Naoya sa miaging Mayo ning tuiga.
Tungod sa kadaugan niini,nagkupot na kini sa 28 ka pulos daug diin 25 gikuha pinaagi sa knockouts samtang si TJ ,milista na sa iyang lima ka pildi,26 daug ug 20 ang TKOs.
