CAGAYAN DE ORO CITY – Nagbaton na karon sa bag-ong mitindog isip lider ang grupong Dawla Islamiya sa Lanao del Sur.
Kini ang gikompirmar sa militar human miguwa ang resulta sa DNA ni Owayda Marohombsar alyas Abu Dar nga napatay sa engkwentro sa sa Lanao del Sur niadtong Marso ning tuiga.
Gibutyag ni 103rd Infantry Brigade,Philippine Army commander Col. Romeo Brawner Jr nga ang ginganlag Jakari ang nagsilbing lider sa 20 hangtud 25 ka nabiling miembro sa maong grupo.
Si Abu Dar ang gitudlo usab sa security forces nga anaa sa pagpamomba sa Kyla Bistro bombing ning syudad diin mikalas sa daghang kinabuhi sa tuig 2013.
Si Abu Dar ang nag-inusara nga lider sa Maute-ISIS nga naka-ikyas dihang gilusad sa full scale military offensive sa Marawi City niadtong tuig 2017.
