CAGAYAN DE ORO CITY-Gihagit ni ISIS-Maute leader Abullah Maute si Pres Rodrigo Duterte nga dali-on na sila sa militar pagpuhag samtang nakig-engkuwentro batok sa militar sa Marawi City,Lanao del Sur.
Kini ang giingong mensahe nga dala ni GRP-MILF peace committee member Aghakan Sharif alyas Bin Laden gikan kang Abdullah dihang nahimamat sa mga ulama sa kota niini sa Marawi City.
Gibutyag ni Sharif nga gusto usab ni Abdullah nga mosulod sa negosyasyon ang MILF aron maundang na ang engkuwentro diin daghang sibilyan ang apektado.
Gani,gi-demanda sa mga Maute nga mabuhian ang ilang ginikanan bugti kang Fr Chito Suganob.
Samtang dili luagan sa gobierno ang pagpulbos sa mga teroristang ISIS-Maute nga naipit na sulod sa war zone sa Marawi City.
Kini ang tubag ni Presidential on the Peace Process Adviser Secretary Jesus Dureza sa pasiatab sa ISIS-Maute group nga maundang lamang ang giyera kon may himoon nga negosasyon.
Matud ni Dureza nga nagpabilin ang baruganan ni Pres Rodrigo Duterte nga dili makig-negosyar sa mga terorista sama sa ISIS-Maute ug Abu Sayyaf Group o ASG.
