Naila na sa Federal Bureau of Investigation ang lalaki nga namatay sulod sa mibusikad nga Tesla Cybertruck nga giparada atubangan sa Trump Hotel sa Las Vegas Nevada sa New Years Day.
Namahayag si FBI official Christopher Raia nga padayong milusad sa imbestigasyon ang ilang namugna nga task force aron susihon ang pagkatawo sa suspek nga si Matthew Livelsberger, 37 anyos ug usa ka kanhi army veteran gikan sa Colorado Springs, estado sa Colorado, Amerika.
Napagawas na sa kapulisan ang video sa pagbusikad sa sakyan ug nasuta nga puno kini sa makasunog nga kemikal ug explosibo.
Lakip sil-ipon sa kapolisan ang koneksyon sa suspek sa terror attack sa New Orleans ug sa suspek nga namatay sa Cybertruck explosion sa Las Vegas.(Bombo Anne Quileste).
