Misaka pa sa kapin 43,000 ka tawo ang patay sa usa ka tuig nga Hamas-Israel war sulod sa Gaza Strip.
Base sa data nga nahuptan sa United Nations, anaa sa 41, 431 ang patay nga mga Palestino ug 1,706 ang patay nga mga Hudyo o taga Israel.Sa maong ihap, 116 ang namatay nga mga sakop sa prensa, ug 134 ka medical frontliners.
Kini gilangkuban sa 111 Palestinian media reporters, 127 Palestinian medical doctors ug nurses, 2 ka Israeli doctors, upat ka Israeli field reporter ug tulo ka medical doctor nga Lebanese.
Unang namahayag ang World Health Organization nga giyukbuan nila ang pagka-bayanihon sa ilang 224 aid ug humanitarian workers nga namatay human maipit sa init nga engkwentro sa Hamas ug IDF sa maong ihap 179 ka mga empleyado sa United Nations Relief and Works Agency for Palestine Refugees in the Near East o UNRWA ang namatay.
Managlahing panawagan sa ceasefire ang ginisyar sa Estados Unidos aron makasulod ang relief goods alang sa kapin 2 milyon ka mga sibilyan nga naipit sa gubat sa Khan Younis City sa Northern Gaza, ug Rafah border sa Southern Gaza.
Mi-endorsar usab sa two-state solution ang United Nations nga gisuportahan sa alyado sa Hamas leaders gikan sa Palestine, Jordan ug Qatar.Ubay-ubay nga mga miembro ang mikondinar sa pagmagahi ni Israel Prime Minister Benjamin Netanyahu kinsa padayong nagbarog boses sa hustisya sa kapin 35 ka bihag nga brutal nga gipatag sa Hamas ug laing gatus pa ang unaccounted.
Sa usa ka tuig nga binayluay sa bala sa Hamas, lakip sa prominenting lider nga napatay si Rawhi Mushtaha, hepe sa Hamas government sa Gaza, kuyog nila Sameh al-Siraj ug Sami Oudeh, kinsa tagsuply sa armas pasulod sa Gaza; Hamas’s West Bak leader Wissam Khazem; Hamas political leader Ismail Haniyeh kinsa napatay sa Tehran Iran, ug si Hassan Nasrallah, ang leader sa Hezbollah sa Bierut City,Lebanon.(Bombo Anne Quileste).
