CAGAYAN DE ORO CITY, Philippines – Gikompirmar sa Israeli Defense Force ang ilang retaliatory attack sa Iran.
Namahayag si IDF Spokesperson Rear Admiral Daniel Hagari nga igo lang nila gibaslan ang gihimong 200 ka ihap nga ballistic Missile Attack sa Iranian Revolutionary Force ug Quds Army, niadtong Oktobre 1, tolo ka adlaw human napatay sa IDF si Hezbollah Sumpreme Leader Hassan Nasrallah sa Beirut, Lebanon.
Gitin-aw ni Hagari nga “targetted attacks” ang ilang gihimo ug gilikayan nila ang pagbombardiyo sa mga energy facilities sa Tehran.
Upat ka miyembre Iranian Quds Army ang patay sa insidente.
Mipasidaan ang IDF nga dili magduha-duha’g balos sa Iran kung segundahan nila ang ilang unang opensiba, niadtong unang semana, ning bulana.
