Gikastigo sa United Nations ang gobyerno sa Israel nga milusad sa pag-atake sa Beirut City, Lebanon nga gikamatay sa mga bata ug ubang mga sibilyan.
Namahayag si UN’s High Commissioner for Human Rights Volker Turk nga tataw nga nasupak ni Israel Prime Minister Benjamin Netanyahu ang International Humanitarian law.
Kini dihang gigamit sa opensiba ang “booby trap devices” sama sa pagers ug walkie talkie.
Gihimo ni Turks ang iyang pagkondinar atubangan sa United Nations Security Council human iyang nadawat ang report sa Lebanese Ministry nga 37 ka tawo ang patay sa duha ka managsunod nga pagbusikad.
Miangol usab sa kapin 3,000 ang samaran sa duha ka adlaw nga atake gikan sa tulo ka managlahing lokasyon sa Lebanon.(Bombo Anne Quileste).
